Micah 3

1মই কলোঁ,
“যাকোবৰ মূখ্যলোকসকল
আৰু ইস্রায়েলৰ বংশৰ শাসনকৰ্ত্তাসকল এতিয়া শুনা:
ন্যায় বুজিপোৱাটো তোমালোকৰ বাবে উচিত নহয় নে?
2তোমালোকৰ যিসকলে ভাল কৰ্ম ঘিণ কৰে,
আৰু পাপক ভাল পোৱা,
তোমালোকে তেওঁলোকৰ ছাল বখলিয়াই,
আৰু তেওঁলোকৰ হাড়ৰ পৰা মাংস এৰুৱাই,
3তোমালোকে মোৰ লোকসকলৰ ছাল বখলিওৱা,
তেওঁলোকৰ হাড় ভাঙা,
পাত্রৰ বাবে মাংস,
আৰু কেৰাহিত দিয়া মাংসৰ দৰে,
তোমালোকে তেওঁলোকক টুকুৰা টুকুৰ কৰা আৰু খোৱা।

4সেই সময়ত শাসনকৰ্ত্তাসকল তোমালোকে যিহোৱাৰ আগত কাতৰোক্তি কৰিব,

কিন্তু তেওঁ তোমালোকক উত্তৰ নিদিব।
সেই সময়ত তেওঁ তোমালোকৰ পৰা মুখ লুকুৱাব,
কাৰণ তোমালোকে পাপ কৰ্ম কৰিছা।”

5ভাববাদীসকলৰ বিষয়ে যিহোৱাই এইদৰে কৈছে,

মোৰ লোকসকলক কোনে ভ্ৰান্ত কৰে:
যিসকলে তেওঁলোকক আহাৰ খোৱাই, তেওঁলোকৰ বাবে
তেওঁলোকে ঘোষণা কৰে, “তাত উন্নতি হ’ব।’
কিন্তু যিসকলে নিজৰ মুখত একো নলয়, তেওঁলোকৰ বাবে
তেওঁলোকে তেওঁলোকৰ বিৰুদ্ধে যুদ্ধ ঘোষণা কৰে।
6সেই কাৰণে তোমালোকৰ বাবে একো দৰ্শন নোপোৱাকৈ তোমালোকলৈ ৰাতি হব,
আৰু তোমালোকে ভৱিষ্যৎ গণনা কৰিব নোৱাৰাকৈ তোমালোকলৈ আন্ধাৰ হব;
ভাববাদীসকলৰ ওপৰত সূৰ্য মাৰ যাব,
আৰু সেই দিন তেওঁলোকৰ বাবে আন্ধাৰ হ’ব।
7দৰ্শকসকলক লাজত পেলোৱা হ’ব,
আৰু ভৱিষ্যৎ গণনা কৰা সকল বিভ্রান্ত হ’ব।
তেওঁলোক সকলোৱে নিজৰ মুখ ঢাকিব;
কাৰণ ঈশ্বৰ পৰা তেওঁলোকলৈ একো উত্তৰ নাই।”

8কিন্তু মোৰ ক্ষেত্রত, যাকোবক তেওঁৰ অপৰাধ

আৰু ইস্ৰায়েলক তেওঁৰ পাপ ঘোষণা কৰিবলৈ,
মই যিহোৱাৰ আত্মাৰ দ্বাৰাই শক্তি,
ন্যায় বিচাৰ, আৰু পৰাক্রমেৰে পৰিপূৰ্ণ।

9সকলো সৎ কাৰ্মত বিপথে যোৱা,

আৰু ন্যায় ঘৃণা কৰা হে যাকোবৰ বংশৰ মুখ্যলোকসকল
আৰু ইস্ৰায়েল বংশৰ শাসনকৰ্ত্তাসকল, এতিয়া এই কথা শুনা।
10তোমালোকে ৰক্তপাতেৰে চিয়োন,
আৰু পাপেৰে যিৰূচালেম নিৰ্মাণ কৰিলা।
11তোমালোকৰ মুখ্যসকল উৎকোচৰ বাবে বিচাৰ কৰে,
তোমালোকৰ পুৰোহিতসকলে মূল্যৰ বাবে শিক্ষা দিয়ে,
আৰু তোমালোকৰ ভাববাদীসকলে ধনৰ বাবে ভৱিষ্যত বাণী কৰে।
তথাপি তোমালোকে যিহোৱাৰ ওপৰত ভাৰসা কৰি কোৱা,
“যিহোৱা আমাৰ লগত নাই নে?
কোনো আপদ আমালৈ নাহিব।

এই হেতুকে তোমালোকৰ কাৰণে

পথাৰ চহোৱাৰ দৰে চিয়োনক চহোৱা হ’ব,
যিৰূচালেম ধ্বংসৰ স্তূপ হ’ব,
আৰু মন্দিৰ থকা পাহাৰ জংঘলৰ দৰে হব।
12